Aqata Kristi. Seçmə əsərlər

Bütün ölkənin atəşfəşanlıqla bayram qeyd etdiyi bir axşamda cinayət hadisəsi baş verir. Əlində tapança və baş nahiyəsindən güllə ilə vurulmuş halda gənc qadın meyiti tapılır… Polis bu işin intihar olduğuna şübhə edir. Və bacarıqlı detektiv Erkül Puaro bu işi araşdırmağa başlayır..

“Qara qəhvə” məşhur detektiv yazar Aqata Kristinin məşhur əsərlərindən biridir. Yazıçı burada artıq təqaüdə çıxmış detektiv Erkül Puaronun iti zəkasının ortaya çıxardığı cinayət işindən bəhs edir. Əsərdə görkəmli fizikin zəhərlənərək öldürülməsindən danışılır. Onun qətlində şübhəli şəxslər çoxdur — oğlundan gəlininədək. Ancaq Erkül Puaro tələsik nəticələr çıxarmır və cinayətin üstünü isti izlərlə aça bilir. Bu zaman o, bir sıra maraqlı fəndlərə əl atır. Yəqin ki, Aqata Kristinin digər əsərləri kimi “Qara ­qəhvə” əsəri də detektivsevərlərin rəğbətini qazanacaq.

Erkülün qoçaqlıqları Aqata Kristinin 1947-ci ildə yazdığı və Erkül Puaronun qoçaqlıqlarına həsr edilmiş novellalar məcmusudur. Novellalardan hər birinin süjeti Heraklın qoçaqlıqları haqqında miflərdən birinə paralel surətdə qurulmuşdur. Balacaboylu, eşmə bığlı belçikalı xəfiyyə xarici görünüşcə əfsanəvi nəhəngə — Herakla bənzəməsə də onun qədər çətinliklərin öhdəsindən gəlməyə nail olur.

Təsadüf nəticəsində İraqa gedən amerikalı həkim Ami Lezeran orada bir xəstə üstünə çağırılır. Xəstə Amerika arxeoloq heyətinin rəhbərinin həyat yoldaşı, gözəlliyi ilə hamını valeh edən missis Luiz Leydnerdir. Ami onun evinə getdiyi ilk gündən gərgin ab-hava hiss edir. Arxeoloji heyətin də yaşadığı bu evdə nələrinsə baş verdiyindən duyuq düşən tibb bacısı tezliklə yanıl­madığının şahidi olur. Çox keçmir, Luiz öz otağında ölü tapılır.
Yenə təsadüf nəticəsində İraqda olan detektiv Erkül Puaro bu müəmmalı cinayəti araşdırmalı olur. Lakin bu, tez-tez rast gəlinən cinayətlərdən çox fərqlənir. Qatil işini peşəkarcasına görmüş, arxada iz buraxmamışdır.
Arxeoloji heyətin bütün üzvlərinin Luizə heyran olduğu, gözəlliyi qarşısında baş əydiyi halda bu xanıma nifrət etmələri işi daha da çətinləşdirir. Luizin iyirmi il əvvəl ölən ərindən təh­did məktubları alması isə cinayəti müəmmalı hala salır…

On zenci balasi

Sessiz sahid

Olumlya gorush