Soyuq qehve

Və insanlar sənin haqqında hər şeyi düşünə bilərlər, əslində, məsələ burasındadır ki, səni başa düşmürlər, ancaq haqqında nə isə düşünə bilirlər.

Sevişənə qədər sevgiyə inanıram. Ondan sonrası adiləşir, mənasızlaşır

Çayı açıq xoşlayıram, amma səni çox tünd sevirəm.

Ağıl bədəni qəlb qədər yormur.

Həyat ətrafımızda insanlar olsa da,
tək olduğumuzu başa düşəndə başlayır.

Bəzi qızlar deyirlər ki, “mən ömrümdə xalq mahnısına qulaq asmamışam”. Böyük qələt eləmisən, sənin anan da “call me baby” ilə böyüyüb axı.

Heç kimi incitməməyə çalışanda hamıdan çox özünü incidir insan və ətrafına baxanda görür ki, əslində, özündən başqa heç kim yoxdur... İnsan yalnız doğulur və yalnız yaşayır, yalnızlığı öyrənmək lazım deyil, amma öyrədirlər adama.

Səndən qalma yaralarıma salam de.

Üşüsən, özünü qucaqla, isinə bilməsən, məni çağır.

Düzgün insanları daha çox günahlandırırlar. Səhvlər bir-birini sevir və ən gözəl münasibətləri yaşayanlar o müna­sibətə layiq olmağı bacarmırlar. Onlar insanları hər cür qəbul edənlərdir. Keçmişi vecinə almayanlar. Adiləşənlər... Səviyyəsiz kişilərlə çirkli gülüşü olan qadınlar... Biz onlar kimi ola bilmərik. Yalnızlığın da qüruru var, bizim kimi.