Yad

- Alber Kamü " Yad "

1942-ci ildə Parisdə tamamladığı " Yad " ona dünya şöhrəti gətirmişdi. O, əsərdə insanın tədricən yadlaşmasının, özgələşməsinin fəlsəfi-psixoloji mexanizmini göstərməyə çalışmışdı. Əsərdə onun həyata baxışı və düşüncələrini görmək daha rahatdır. Çünki, əsərin qəhramanı Cənab Merso hətta öz-özünə yadlaşıb, ölümünə qədər baş verən prosesləri kənardan izləyir. Kamü özü də bəzən uzun-uzun intiharı düşündüyünü, lakin, həyatın yaşamağa dəyər olduğunu vurğulayırdı. Qısa bir roman olmasına baxmayaraq, insanlara çox dərin təsir göstərən bir kitabdır. Laqeyd bir insanın, həyatına, qadınına, yaşamına, hətta anasına olan düşüncələri kitabda əks olunub. Mətn belə başlayır:

“ Bu gün anam ölüb. Bəlkə dünən olub bu, xəbərim yoxdu. Qocalar evindən teleqram gəlmişdi: “Anan vəfat etdi. Dəfn sabahdır. Hüznlə başsağlığı veririk”. Bilmək olmaz. Bəlkə, deyirəm, dünən ölüb. " Anamı əlbəttə çox sevərdim; amma bu bir şey ifadə etmirdi. O, anasının cənazəsində kədərli olduğunu iddia etməyə çalışmır, sevdiyi qıza duyğularını yalançı hesab etmir və beləliklə cəmiyyət onu yad bir insan kimi görür və onu rədd edir. Yazıçının fikrincə vicdanlı olmaq istəyən bir insan həmişə cəmiyyət üçün kənarda durur. Müəllif onu tənqid etmir, ancaq oxucuya onun gözləri ilə dünyaya baxmağa təklif edir.

Düşünürəm ki,Alber Kamyu ədəbiyyata maraqlı olanlar,hətta digərləri üçün də oxunulmalı müəlliflərdəndir." Yad" və "Çöküş" əsərlərini müvafiq ardıcıllıqla oxumaq daha uyğun olardı.Eksiztensial cereyanin digər nümayəndələri kimi Alber Kamyu da şəxsiyyətin varlığının əsası kimi özünü müəyyənləşdirmə,öz mübarizəsini təsvir edir.Hardasa bəzən ümidsizlik kimi görünsə belə.

Gözəl kitabdır. Oxumağa dəyər. Sonluğu belə gözləmirdim. Təsirlidir

Endrebadi bir kitab. Müellifin ne demek istediyi mene çatmadı. Ya o çox ağıllıdır, yada men onu derk edecek qeder ağıllı deyilem

Uzun illər boyunca ilk dəfə anamı xatırladım. Indi anladım ki, nə üçün yaşadığı ömrün lap qurtaracağında özünə bir nişanlı tapmışdı . Niye ömrə təzədən başlamaq oyununu oynayırmış....

2-ci hissə ' si də olsa idi əla olardı çünki sonu tam bitmir amma tamamilə fərqli sujet xəttinə malik təqdirə layiq kitabdır🦊

Eqoizm maraqları,şəxsi fikir və şəxsi daxili aləm barəsində yazılmış çox möhtəşəm əsər!

Anaya qarşı laqeyd bir adam olmasını mende bagişlamadim ona. Herden qezeblendim herden yazigim geldi herdende anlamağa çalişdim. İnsanı düşündüren romandir 👍🏼