Yol və kəramət qanunu

Yernən Göyün ömrü uzundur.
Yernən Göy özləri üçün yaşamırlar

Dünyada su qədər yumşaq və üzüyola olan bir şey yoxdur,

Amma bərk və möhkəm bir şeyi oymaqda da onun bərabəri yox,

O yenilməzdir!

İnsanları dərk etmiş Aqildir,
Özünü dərk etmiş isə - Arif.
İnsanlara hökm edən qüvvətlidir,
Özünə hökm edən isə - qüdrətli.
Bütövlükdə halı ilə razı olan varlıdır,
Bütöv olaraq Yolu davam edən isə - vardır.
Özünü tapıb itirməyən uzunömürlüdür,
Ölümündən sonra da yox olmayan isə - əbədi.

Özünü göstərən aydınlıq tapmaz,
Haqqını düşünən Haqqı tapmaz,
Özünü zorlayan müvəffəq olmaz,
Özünü əsirgəyən kamilləşə bilməz.
Yol adamı üçün bu çapalama
Artıq yük, ağır qida kimi mənfurdur.
Yolu düz gedən bunlara ilişməz

Düz söz xoş olmaz,

Xoş söz düz olmaz.

Bilən bəhs etməz,

Bəhs edən bilməz.

Bacaran çox bilməz,

Çox bilən bacarmaz.

Xırda işlərin belə böyük vacibliyini duymaq gərəkdir: Ən ağır məsələlər yüngül məqamlardan ibarətdir, Ən böyük işlər xırda incəliklərdən asılıdır.

Səthi anlayış ilə heyran olmaq – cəhalətin

başlanğıcıdır.

itiriləndə – Kəramət özünü büruzə verir, Kəramət itiriləndə – xeyirxahlıq və insansevərlik özünü büruzə verir,

İnsaniyyət itiriləndə – mənəvi borc hissi özünü büruzə verir,

Mənəviyyat itiriləndə – ayin və ədəb qaydaları özünü büruzə verir.

Qəlbin – niyyətin dərinliyindədir,

Ünsiyyətlərin – insanlıqdadır,

Sözlərin – ixlasdadır,

Hökmün – xeyri-nizamdadır,

İşin – məharətdə,

Hərəkətin – vaxtı-vaxtında olduğundadır.

Özünü suya bənzədən yanlışlıq etməz.

Səbrsiz adam dayanıqlı olmaz,
Tələsən – tez yorular, uzaqlara çatmaz,