Юля Цімафеева

Я падаю і рыю тунэль,

Я ўцякаю з роднай зямлі

пад зямлю, пад грузнае

цела поля

Няўмольнае поле

пакарала мяне за ўцёкі –

зрабіла

сляпою краціхай

Дванаццаць кадраў

у стужцы зімы.

Кадр трэці:

Нага ў вадзе па калена.

Кадр пяты:

У вадзе другая нага.

Кадр восьмы:

Прарок пад вадою па пояс.

Кадр адзінаццаты:

Твар буйным планам,

Жах уваччу.

Прарок кажа да рыбаў,

Прарок кажа да малькоў,

Прарок кажа да водарасцяў,

Прарок кажа да бактэрый,

Прарок кажа да талага снегу: