Onore de Balzak (1799-1850) XIX əsr görkəmli fransız yazıçı-dramaturqu. Onore de Balzak Qərbi Avropa realizminin zirvəsi hesab edilir. Onun ən məşhur əsəri — "Bəşəri komediya" və ya "İnsan komediyası" (La Comédie humaine) adlı epopeyada fransız həyatının bütün sahələri 143 kitabda əks etdirilməli idi. O, bütün gücünü sərf edərək 90 roman və novella yazır. Bu epopeyaya "Şaqren dərisi", "Yevgeniya Qrande", "Qorio ata", "Sezar Biroto", "İtirilmiş illüziyalar", “ Vadidəki Zambaq” və digər romanlar daxildir. ”Qobsek” də bu epopeyaya daxil əsərlərdəndir. Povestin əsas mövzusu ehtirasdır. Bir tərəfdən əsərin qəhrəmanı Qobsek insan ehtiraslarını ( var-dövlətə, qadınlara, hakimiyyətə həvəs, eqoizm və s) , digər tərəfdən Balzak özü qoca sələmçi Qobsekin qızıla ehtirasını öyrənir.
